Femina ka August ank aapko apni is pasandeeda patrika ke naye roop se parichit karayega. Hamare aaspaas kee duniya badal rahi hai, har star par nai pareshaniyan aur unse ubar kar uncha udne ke sapne bhi badal rahe hain. In badli paristhitiyon me har kadam par aapka saath dene ke liye yah bahut zaroori tha ki Femina bhi badle. Toh leejiye Femina ek naye andaaz me aapke samne hai. Bahut saare samaadhano ke saath. Hamare August ank ke cover par hain Bindas aur Fashionparast abhinetri Sonam Kapoor. Ve Fashion aur luxury se jude apne vichar hamse share kar rahi hain. Is ank me divangat Zohra Sehgal ki beti Kiran Sahgal apni maa kee zindagi ke panne palatati dikhengi. Femina dwara Vishesh padtaal kiya gaya Hathiyon ke rahan-sahan par. Iski jhalak aap dekh sakengi Special Photo Feature Pyare aur samajhdaar me. Yadi aap Fashion ke saath chalne me vishwas rakhti hain to hamare fashion ke pages me bilkul naye chalan kee dresses, sahi fit aur sahi look ke saath pahanane ka tareeka bataya gaya hai, jisse aap bilkul naye aur alhada avtaar mein nazar aayengi. Femina ka fashion sabke liye hai, tabhi toh paraplegic Deepa Malik hamare fashion ke pages ki shobha badha rahi hain. Aap payengi ki Wheel chair par baithi is mahila ka aakarshan kisi Super model se kam nahi hai. Baat karein saundarya ki to Femina aapko batayegi ki sundar dikhna behad aasan hai. Iske alaava Ideas, Vishesh aur Chehre aise sections hain, jo aapko jagrook thata aur bhi sashakt banayenge. Toh der kis baat ki hai Dekhiye Femina ka Vahi Tewar Naye Kalevar me...