Varsh 2015 ko alvida kahte is ank ki cover girl Shraddha Kapoor se milen, Jo ye manti hain ki filmo ke bahar bhi zindagi hai aur wo is zindagi ka bhi barpoor aanand lena chahti hain. Is ank me hum aapko 2015 ki un sakaratmak khabro se ru-ba-ru karwa rahe hain, jo shayad aap tak pahuchi na ho. ya pahuchi bhi ho to itne chote roop me ki aapne unme maujood positivity ko poori tarah mahsoos na kiya ho. Aur ye khabre isliye zyada maayne rakhti hain, taaki 2015 hamare zahen me khushnuma yaad bankar ankit ho sake. Is varsh aam logo ne kaun-si filmo, kitabo, gaano, naatako aur serielo ko pasand kiya, ye batata hua is ank ka cover focus popular culture 2015 aapko is varsh ko yaad rakhne ke kuch aur karan de jayega...