Femina Hindi ke March ank ki cover girl hain Kareena Kapoor, jo aapke saath apni khoobsoorati ke mantra sajha kar rahi hain. March me aanewale Mahila divas Ka jashn manate huye badi baat me hum aapko kai aitihasik mahilaon-Ahlya, Sita, Kunti, Draupadi, Mother Marry, Marry Magdelen, Hajra aur Khadija se milva rahe hain aur bata rahe hain ki kyon ye mahilayen aaj bhi prasangik hain? Bade mudde me hum padtaal kar rahe hain ki bachchiyon aur mahilaon ke liye bananewali sarkari yojnayen aakhir kitni safal hoti hain? Kya vakai unse zamini star par koi badlaav aata hai? Saath hi is ank me aap milengi 5 aisi mahilaon se, jo akeli rah rahi hain aur bahut khoob rah rahi hain.