Femina Hindi ka ye ank Men's special hai. Iske cover par hai bollywood ke namcheen actor Arjun Kapoor. Wo bata rahe hain ki bollywood me yuva abhinetaon ke beech asuraksha ki bhavna nahi hai, kyonki sabhee ke paas karne ko bahut kaam hai. Wo ye bhee bata rahe hain ki wo khud bhee ab pratibaddh rishte ke liye taiyar hain. Is ank me aap 4 aise purushon se milengi jo sahi arthon me mahilaaon ke hitaishi hain. Ye aise kamo me jute hain, jo mahilaaon ko aage badhane me sahayak hain. June me Father's Day bhee hai aur is avsar par bollywood ke 4 yuva abhineta Varun Dhavan, Rajkumar Rao, Manish Paul aur Sakib Salim bata rahe hain ki unke jeevan me unke pita ki kya bhumika rahi hai aur ve apne pita ke kitne kareeb hain. Is ank me aap purushon ke sundarta ke prati badhte rujhaan ko bhee nazdeek se mahsoos kar payenge, kyonki ham experts se baaten kar ke aapko bata rahe hain ki khud ko khoobsoorat banaye rakhne ke liye indino purush kya-kya aazma rahe hain. Ummeed hai ye ank aapko zaroor pasand aayega.