Femina Hindi kee panchvee varshganth par milen paanch filmi sitaron se. Priyaka Chopra bata rahi hain ki ve apne papa ki kitnee laadlee theen. Sonam kapoor hum sub ke saath baant rahi hain apnee khushiyon ke raaz. Kalki Koechlin bata rahi hain ki kyon wo bollywood me rahte huye bhee khud ko badlna nahi chahteen. Sushant Singh Rajpoot bata rahe hain ki kyon unhe asafaltaa ka dar nahi sataataa Aur Genelia D'souza bata rahi hain ki ve break ke baad kab aur kaisi vaapasee karne ko utsuk hain. Femina vishesh me jaane apne jeevan ke har pahlu ko behtareen banane ke 5-5 mantra. Ye mantra films, fashion, career, relationship, food aur Travel jaise un muddon se jude hain, jo hamaare jeevan ko khushnuma banaate hain. Iske alaawa ek dilchasp vaad-vivaad ka hissaa bane jahan kuch mahilayen facebook vs twitter aur e-books vs tree books jaise rochak vishyon par apnee pasand ka izhaar kar rahi hain. Femina Hindi ke panno par aap us virodhaabhaasee duniya kee sair ka maza zaroor len, jo hamen nazar to aatee hai lekin jeevan kee bhagdaur me hum uspar dhyaan nahi de paate, lekin photographers unhe jab camera kee nazar se ru-ba-ru karaate hain to hum unhe dil se mahsoos kar paate hain. To Femina ke vividhta se bhare is ank ka aanand uthayen...