ਜਦੋਂ ਕੋਈ ਦੇਸ਼ ਤੇ ਕੌਮ ਇਹ ਮਹਿਸੂਸ ਕਰਨ ਲੱਗ ਪਵੇ ਕਿ ਉਸਦੇੇ ਹੱਕਾਂ ਦੀ ਕੋਈ ਆਵਾਜ਼ ਹੈ ਹੀ ਨਹੀਂ, ਤਾਂ ਕੁਦਰਤ ਆਪਣਾ ਫਰਜ਼ ਸਮਝਦੀ ਹੋਈ ਲੋਕਾਂ ਦੀ ਬਾਂਹ ਫੜਦੀ ਹੈ। ਸਮੇਂ ਸਮੇਂ ਕੁਦਰਤ ਨੇ ਆਪਣਾ ਰਹਿਬਰ ਹਮੇਸ਼ਾਂ ਹੀ ਇਨਸਾਨ ਦੇ ਰੂਪ ਚ ਭੇਜਿਆ ਹੈ, ਜੋ ਦੱਬੇ ਕੁਚਲੇ ਤੇ ਅਸਹਾਈ ਲੋਕਾਂ ਦੀ ਆਵਾਜ਼ ਬਣਦਾ ਹੈ। ਅਜੋਕਾ ਸਮਾਂ ਵੀ 98 ਵੇਂ ਫੀਸਦੀ ਲੋਕਾਂ ਨੂੰ ਸਮਾਜਿਕ,ਆਰਥਿਕ,ਧਾਰਮਿਕ ਤੇ ਰਾਜਨੀਤਕ ਇਨਸਾਫ ਤੋਂ ਵਾਂਝੇ ਰੱਖਣ ਵਾਲਾ ਹੈ। ਲੋਕਾਂ ਦੀ ਗੱਲ ਕਰਨ ਵਾਲਾ ਮੀਡੀਆ 'ਪੀਲੀ ਪੱਤਰਕਾਰੀ' ਦੀ ਦਲਦਲ ਚ ਡੁੱਬ ਰਿਹਾ ਹੈ। ਆਮ ਲੋਕਾਂ ਦੀ ਆਵਾਜ਼ ਹਮੇਸ਼ਾਂ ਕਲਮਾਂ ਤੇ ਹੁਣ ਬਿਜਲਈ ਮੀਡੀਏ ਨੇ ਬਣਨਾ ਹੁੰਦਾ ਹੈ। ਇਸ ਲਈ ਆਮ ਲੋਕਾਂ ਦੀ ਆਵਾਜ਼ ਬਣਕੇ ਪਹਿਰੇਦਾਰ ਸ਼ੋਸਲ ਵੈਲਫੇਅਰ ਸੁਸਾਇਟੀ 2008 ਵਿੱਚ ਹੋਂਦ 'ਚ ਆਈ ਤੇ ਅਦਾਰਾ 'ਪਹਿਰੇਦਾਰ' ਦੀ ਮਾਲਕ ਬਣਕੇ ਲੋਕਾਂ ਦੀ ਅਵਾਜ਼ ਬਣੀ। ਅਸੀਂ ਚਾਹੁੰਦੇ ਹਾਂ ਕਿ ਲੋਕ ਪੱਖੀ ਮੁੱਦਿਆਂ ਨੂੰ ਉਠਾ ਕੇ ਲੋਕਾਂ ਦੀ ਆਵਾਜ਼ ਬਣੀਏ ਤਾਂ ਕਿ ਅਸੀਂ ਪੁਰਾਤਨ ਰਹਿਬਰਾਂ ਦੇ ਪਦ ਚਿੰਨ੍ਹਾਂ ਦੀ ਰੌਸ਼ਨੀ ਵਿੱਚ 'ਸਰਬੱਤ ਦੇ ਭਲੇ' ਦੀ ਆਵਾਜ਼ ਬੁਲੰਦ ਕਰ ਸਕੀਏ। ਹੁਣ ਤੱਕ ਇਹ ਸਾਡਾ ਵਿਸਵਾਸ਼ ਹੈ ਕਿ ਅਸੀਂ ਲੋਕਾਂ ਦੀ ਆਵਾਜ਼ ਹਾਂ। ਅੱਗੇ ਆਪ ਸੰਗਤ ਅਰਦਾਸ ਕਰੋ ਕਿ ਅਸੀਂ 'ਨਿਸ਼ਾਨ' ਵਾਂਗ ਅਡੋਲ ਰਹਿ ਕਿ ਨਵੇਂ ਪੂਰਨੇ ਪਾਈਏ। ਗੁਰੂ ਮੇਹਰ ਕਰੇ