Hamare June ank ke cover par hain abhineta Shah rukh Khan, kyonki yah hamara mens special issue hai. Mahilon ko sashakt bante dekhna chahnewale Shah rukh bata rahe hain ki kyon unhe acting ke baare me baate karna boriyat bhara lagta hai. Aap is ank me 4 aise real life heroes se bhi milengi, jinhone mahilaon ko aage badhane ko hi apna lakshya bana liya. June me fathers day bhi aataa hai isliye hum aapko television ke un namcheen kalakaaron se milwa rahe hain, jo asal zindagi me bhi pita hai, jaise-Dilip Joshi, Samir Dharmadhikari, Hiten Tejwani , Iqbal Khan, Varun Badola aur Sachin Shroff. Ye bata rahe hain ki khud ke pita ki tulna me ye khud ko kaisa pita pate hain. Desh ke pahle single father Aditya Tiwari se bhi hum aapko rubaru karwa rahe hain aur Dr Nikhil Datar se bhi, jinhone mahilaon ko unke ajanme bachche se jude faisale lene ka adhikar dilaya. Inke alawa, Tripti Desai, Dipa Karmakar aur Amir Khan se khas mulaqat bhi is ank ka hissa hain.