Femina Hindi ke is ank ki cover girl hain khoobsoorat bollywood actress Esha Gupta. Vo bata rahi hain ki kyon love ke mamle me wo lucky hain aur kaisa raha hai unka ab tak ka filmy safar. Femina Hindi ke is beauty special ank me aapko milenge team Femina dwara jaanche-parkhe bahut saare beauty products, jinme se apnaa pasandeeda product chunkar aap apni sundarta ko ubhar saktee hain. Is ank me do khas feature hain. Jinme se ek me aap jaan sakti hain ki in garmiyon me kaun-se makeup trends chalan me rahnewale hain aur doosre me aapko milenge apni sundarta ko nikharne ke paanch aasaan mantra. Femina abhiyaan me aap kathin periods ke saral path padhanewaali menstrupedia namak website ki owner Aditi Gupta se milengi, jo balikaon ko periods ke baare me saral bhasha me jaankaari dene ke kaam ko rochak tareeke se kar rahi hain. To der kis baat ki, patrika padhiye aur apni pratikriya se ru-ba-ru karwaiye....