Femina Hindi ke is ank ki cover girl hain khoobsoorat bollywood actress Yami Gautam. Ve bata rahi hain ki kyon ve ye maanti hain ki unki khoobsoorati unki maa ki den hai. Ve apni khoobsoorti ke raaz bhi aapke saath share kar rahi hain. Femina Hindi ke is Mothers special ank me aap parivaar badhane ki assisted reproductive technology ke baare me jaanengi aur surrogacy ki duniya me jhaank sakengi. Iske alaawaa aap teen diler maaon se milengi, jo har kadam par apne bachchon ke saath nibhati rahi hain aur nibhati rahengi. Samaj unhe bhale hi alag mane, lekin in maaon ke liye inke bachche hain sabse achche. Is ank se hum naya Femina abhiyaan shuru kar rahe hain-AB BAS! Isme aap balaatkaar pidit mahilon se ye jaan sakengi ki ve kanoon aur samaj se kis tarah ke badlaav chahti hain. Is abhiyaan me experts bhi apni ray denge aur sab milkar ye prayas karenge ki sthitiyon me sakaratmak badlaav aaye. Ummid hai hum-aap milkar kuch sakaratmak badlaav zaroor layenge...