Vivah vishesh is Ank me janiye ki aap kaise kar saktee hain filmi sitaron Kareena-Saif, Vidya-Siddharth aur Katie-Tom jaisee shandar shadi. Is ank me aap ye bhee janegee ki apnee shadi ko anootha aur yaadgar banane ke liye choti-choti baton ko kis tarah vyaktigat andaaz de sakti hain. Yahi nahi, is ank me aap Shadi ke dauran kee janewali rasmo ke peeche kee dilchasp kahaniyon se bhee ru-ba-ru hongee. Dulhan ke libas me Sonam Kapoor ke saath kiye gaye hamare fashin feature ko dekhkar bhavi dulhano ko apne is khas din ke liye khas libaas chunane me madad milegi. Aur aapke liye honeymoon destination ke vikalp bhee hamne muhaiya karaye hain. hamne duniyabhar kee paanch khoobsoorat jaghon ka chunaav kiya hai, taaki aap apne honeymoon ko yadgaar bana saken. Hamari cover girl Deepika Padukone se milkar dekhiye, unme aapko bilkul apne jaisee aam Bhartiya yuvati ki jhalak milegee. Unhone Ranbir Kapoor ke baare me bhee hamse khulkar baat kee. Aapke har roop ke liye me Master Chef season 3 kee pratibhagi Yasmin Shekh ke jeevan kee kahani aapko prerit karegi to apne dono haath aur ek pair gava dene ke baad bhee khoobsoorat chitrakari karnewali Sarit Dwivedi kee kahanee aapko sakaaraatmak soch se bhar degee.